لا تجرحيني .. جرحك العام ما طاب
داوي بحنانك ما مضى واجرحيني
ياللي حنانك نظرة بين الاهداب
ودي علي بعض العزا.. ناظريني
خافي على قلب يحبك إلي ذاب
ذاب الهوا فى خفقته.. والحنيني
لولاك ما زار القمر ليل الأحباب
ولا لوحت شمس المحبه جبيني
و لولاك .. ما يلفي على الدار غياب
ولا تبكي اللي فارق الدار عيني
فى غيبتك كل الملا عندي اغراب
ما أحد أبي قربه .. ولا أحد يبيني
لايا غلا القرابه و الأصحاب
ضاع العدل في الناس لو تظلميني
....**....
خساره عمري الضايع وانا العايش على الاحلام
أقضيييها تعب للقلب بالأحلام بالفاضي
أكون لي صروووحاً وأفتكر أني من الأعلام
مشاهير الزمان ألي تحكى عنهم القاصي مع الداني
وقول أني من أصحاب الثراء والجاه ألي يملكون أرقام
وعيش بعز في دنيا عرييييضه مابها ثاني
ولكن الحقيقه هي حلوم الليل يوم الليل جاء بوهام
يوديني معه في كل رحله خارج أوطاني
ونا عايش فقير الحال قوت اليوم هو لليوم
وبكره هي بها علماً جديداً وين ماجاني
عسى الله يفرج أهموم البشر ربي هو العلام
كريماً بالعطايا والذي أعطاك يعطيني
....**....
ودي أبكي لين ما يبقى دموع
ودي أشكي لين ما يبقى كلام
من جروح صارت بقلبي تلوع
ومن هموم أحرمت عيني المنام
أنطفت في دنيتي كل الشموع
والهنا ما يوم في دنياي دام
غربتي طالت متى وقت الرجوع
كل عام أمني أحلامي بعام
أن شكيت الحال محد لي سموع
و ان شكيت الناس زادوني هموم
طال صبري والزمن عيا يطوع
و الرجا باللي عيونه ما تنام
....**....
ضاع العمر كله على باب رجواك
أعدد أيامها بصابع يديني
ما شفت أنا غير لوعات فرقاك
خليتني أطرد من وراها حزيني
وين الحنان ألي من أعوام ينهاك
عن الجفاء يومك تقدر حنيني
اليوم أشوف الوقت مخلف نواياك
الله أعلم حال بينك وبيني
....**....
صدق ظني وزرتيني بعد ما طول غيابك
بعد ما هانت أيامي على عمرك..ذكرتيني
بعد ما انكرك وقتك..عرفتي قيمة أحبابك
بعد ما استيقظ إحساسك وتفكيرك..فقدتيني
بعدما تأهت دروبك وكحل حزنك أهدابك
بعد خذلانك إحساسي بدمعاتي..بكيتيني
بعد ما ضاعت أحلامك وضاع الشوق عن بابك
بعد ما حطمك يأسك ..بعد يأسك رجيتيني
تحسبيني على خبرك أموت أموت وأحيا بك
أنا لو ما نسيت الود ما أنسا انك خذلتيني
ذبل ورد الأمل فيني ومات الوعد بترابك
وبقيتي مثل ما أنتي بعيدة لو سكنتيني
و كيف يسامحك جرح السنين ورحلة عتابك
حسرتي كل شي ري ومع هذا خسرتيني
....**....
علمتني الشقا ,, قبل السعاده..
علمتني الدمعه ,, قبل الابتسامه..
نزف قلبي ,, قبل عيني ,, نزفت كلي الم..
اتعبتني بحبك ..
جرحتني باسم الحب ,,
جروح اكبر من احتمالي والصبر..
تحمل قلبي فوق طاقته ,, عشان الحب وايامك..
صبرت لين مل الصبر مني وضاق..
تعبت انتظر حنانك ..
تعبت انتظر وفااك ..
تعبت اشوف طعناتك,,وسهام غدرك,,
وجروحك بليا سبب..
فمان الله بسهوله..
انا برحل عن هواك وعالمك..
بعد ما خنت ظنوني ورجاي..
للاسف ,,
كثرت عهودك..
بين حرمان وجفا..
كثرت وعودك ..
ليتها مره وفت..
ابتديت ب "احبك" ,,
وانتهيت ب "الوداع" ..
عسى تلقى الهنا مع غيري..
ودعت قلبي يوم انا ودعت حبك..
ودعت حب لو ذبحني ما عمرك وفيت..
الوداااع..
{اهداء لمن رحل من حياااااتي}
موضوع: ....*لا تجرحيني .. جرحك العام ما طاب*.... 
السبت أبريل 05, 2008 7:33 am
